ဗမာမွတ်စလင်မ်တို့၏ တည်တန့်ခိုင်မြဲရေးအပေါ် ပြန်လည်သုံးသပ်ချက်(၃)

၃။ ဗမာမွတ်စလင်မ်များရဲ.အသံ။
ဗမာမွတ်စလင်မ်တို့ရဲ.အသံ-သတင်းစာ၊ ဂျာနယ်၊ မဂ္ဂဇင်းများနဲ့ ပတ်သက်ပြီး စာရေးသူရဲ. ဆောင်းပါးမှာ တင်ပြချက်ကို ဖော်ပြရရင် အဲဒီအချိန်က ကမ္ဘာအလင်းမဂ္ဂဇင်း၊ အစ္စလာမ် သာသနာရေးရာကောင်စီက ထုတ်ဝေတဲ့ အစ္စလာမ်စာစောင်၊ ဗမာမွတ်စလင်မ်အဖွဲ့ချုပ်က ထုတ်ဝေခဲ့တဲ့ ဗမာမွတ်စလင်မ်စာစောင် (ဒီဆောင်းပါးကို ဗမာမွတ်စလင်မ် စာစောင်မှာလဲ ဖော်ပြခဲ့ပါသေးတယ်)၊ မန္တလေးယဉ်ကျေးမှုတိုက်ထုတ် အစ္စလာမ်ယဉ်ကျေးမှုစာစောင် ထွက် နေပါတယ်။
အဲဒီ မဂ္ဂဇင်း စာစောင်တွေဟာ ဆယ်စုနှစ် တစ်ခုမခံခဲ့ပါ၊ ကမ္ဘာ့အလင်း မဂ္ဂဇင်းဟာ (၈)နှစ် ၁၉၅၂ မှ ၁၉၆၀ ခုနှစ်ထိ (၉၆)စောင်ထွက်ပြီး ရပ်သွားတယ်။ အစ္စလာမ်စာစောင်ဟာ အမှတ်စဉ် (၈၀)ကျော်မှာ ရပ်သွားတယ်။ ယဉ်ကျေးမှုစာစောင်လဲ ၂နှစ်ခန့်မှာရပ်သွားတယ်။ အဲဒီနောက် အစ္စလာမ်အလင်း၊ အစ္စလာမ်မျက်ဝန်းနဲ့ အခြားပုံမှန်မဟုတ်တဲ့ စာစောင်တွေလဲ အမြောက်အမြား ထွက်ခဲ့ကြတာ နှစ်ငါးဆယ်အတွင်း မရေတွက်နိုင်ပါ။ အူရဒူက မြန်မာပြန်၊ အင်္ဂလိပ်က မြန်မာပြန် စသဖြင့် ထုတ်ဝေခဲ့ကြတယ်။ အဲဒီထဲမှ အစ္စလာမ်ရဲ. အနှစ်သာရများ အပြင် တရီကာနဲ့ ပတ်သက်ပြီးလဲ ထုတ်ဝေခဲ့ကြတယ်။ အဲဒီစာအုပ်စာတမ်းတွေကို လေ့လာကြည့်ရင် မြန်မာစာပေ စစ်စစ်နဲ့ မြန်မာစာတတ် မွတ်စလင်မ်များနဲ့ အခြားဘာသာဝင်များ သိနားလည်စွမ်းမရှိတဲ့ အာရဘီ အူရဒူအသုံးအနှုန်းများ သုံးနှုန်းထားတာတွေလဲ တွေ့ရတယ်။ စာရေးသူ ဘာသာပြန်သူများဟာ မြန်မာစာပေကို မကျွှမ်းကျင်တဲ့အတွက် ရေးသားမှုတွေဟာ အဆင့်နိမ့်နေတာလဲ တွေ့ရှိရတယ်။ အဲဒါတွေဟာ ဓမ္မဓိဌာန်ကျကျ ဖော်ပြတာပါ။ ဒါပင်မဲ့ စာအရေးအသားချောမွေ့ပြီး ဖတ်လို့ စိတ်ဝင်စားတဲ့ စာအုပ်တွေလဲ ရှိပါတယ်။
ယနေ့ကမ္ဘာမှာ ကျမ်းမြတ်ကုရ်အာန်က ကမ္ဘာကို မျက်စိဖွင့်ပေးခဲ့တဲ့ တွေးခေါ်မှု၊ တီထွင်မှု၊ ဆန်းသစ်မှုတွေကို တိုးတက်ပြောင်းလဲနေတဲ့ လူ့အသိုင်းအဝန်း၊ မြန်မာမွတ်စလင်မ် အသိုင်းအဝန်းမှာ သိပ္ပံနည်းကျ တင်ပြ ပညာပေးချိန်ရောက်နေတယ်။ မြန်မာမွတ်စလင်မ်များ စာမဖတ်ကြပါ၊ ဘဝတိုးတက်မှုကို အစ္စလာမ် အတွေးအခေါ် နဲ့အညီ ဆောင်ရွက်မှု အားနည်း ကြတာပါ။ (ဤဒွန္နယာ နဲ့ အာခေရတ်-နောင်ဘဝမှာ အကောင်းလို၍ နေ့စဉ် ရာနှုန်းပြည့် မွတ်စလင်မ်တွေ ဒိုအာ-ဆုတောင်းနေကြတာပါ။ ဒါပေမဲ့ လက်တွေ့မှာတော့ ဘဝ သာယာရေး အတွက် စိတ်ထင်တိုင်းလုပ်နေကြတာပါ။)
ဒါကြောင့် စာရေးသူ တင်ပြသလို စာတတ် ပေတတ် မြန်မာမွတ်စလင်မ် စာရေးဆရာကြီး သုတေသီ အမည်ခံ ပုဂ္ဂိုလ်များဟာ ကုရ်အာန် နဲ့ တမန်တော်မြတ်ကြီးရဲ. ဘဝကို ဖော်ညွှန်းတဲ့ စာပေတွေ၊ တောင်ဟီးဒ်ပညာပေးတွေ၊ ကုရ်အာန်က လမ်းညွှန်ထားတဲ့ သိပ္ပံဘာသာရပ်များထဲက နက္ခတပညာ၊ ဇီဝ၊ သင်္ချာ၊ ရူပ၊ ဆေးပညာ၊ ဝိဇ္ဇာဘာသာရပ်ထဲက စီးပွားရေး၊ သမိုင်း၊ ယုတ္တိပညာ၊ ဒသာနိကပညာတွေကို ရေးသားတင်ပြကြရန်သင့်တယ်လို့ သုံးသပ်ပါတယ်။