ဗမာမွတ်စလင်မ်တို့၏ တည်တန့်ခိုင်မြဲရေးအပေါ် ပြန်လည်သုံးသပ်ချက်(၄)

၎။ အာရဗီတက္ကသိုလ်။
“ဗမာမွတ်စလင်မ်တို့ အနာဂတ်တွင် စံတင်လောက်သည့် ခေတ်ပညာနှင့် ဘာသာရေးပညာ တွဲဖက်၍ ဒီဂရီဘွဲ့ပေးနိုင်သည့် အာရဗီတက္ကသိုလ်ကို ယနေ့ ဗမာမွတ်စလင်မ် ခေါင်းဆောင်များ ဖန်တီးပေးက အနာဂတ်ကာလတွင် အမည်ခံ မွတ်စလင်ပါ ကျန်ရစ်တော့မည်မဟုတ်ပါ။” စာပိုဒ်က လွန်ခဲ့သော နှစ်ငါးဆယ်က ဖော်ထုတ်ရေးသားခဲ့တာပါ၊ အဲဒီအချိန်က အဆင့်မြင့်ပြီး တက္ကသိုလ် သာ တည်ထောင်ခဲ့ပါက ယနေ့ မျိုးဆက်နှစ်ဆက် သုံးဆက်ခန့် ပညာရရှိလောက်ပြီ ဖြစ်ပါတယ်။ ဒါပင်မဲ့ ဖြစ်လာခဲ့သလားဆိုတာ လေ့လာဆန်းစစ်ကြည့်ပါ။ အာလင်ပညာရှင်လို့ခေါ်တဲ့ မော်လဝီ ကျောင်းတွေ အများကြီးပါ၊ ၁၉၆၀ခုနှစ်က ထင်ရှားတဲ့ကျောင်းတွေထဲမှ ရန်ကုန်တာမွေက ဒါရွလ်အူလွန်အာရဗီကျောင်း နဲ့ ရွှေဘိုကန့်ဘလူက အရဗီကျောင်းအပြင် ကျောင်းတွေအများကြီး ရှိခဲ့ပါတယ်။ မော်လဝီဆိုတဲ့ အာလင်မ်ပညာရှင်ဘွဲ့ (စနဒ်) ယူပြီးခဲ့တဲ့ မော်လဝီတွေ မနည်းပါ။ အဲဒီမော်လဝီတွေဟာ ဗမာမွတ်စလင်မ်အကျိုးကို ဘယ်ရွေ.ဘယ်မျှ စွမ်းဆောင်နိုင်ခဲ့သလဲ ဆန်းစစ်ကြည့်က သိနိုင်ပါတယ်၊ တကယ်တန်း မြန်မာနိုင်ငံသားတွေလိုတဲ့ ပညာရှင် ဆိုတာ ဘယ်လိုဟာမျိုးလဲ။
လွန်ခဲ့တဲ့ ဆယ်စုနှစ် (၂)ခုလောက်ကစပြီး မြန်မာနိုင်ငံမှာ ခေတ်ပညာနဲ့ ဥပဒေ၊ သိပံ္ပ၊ စီးပွားရေး၊ အင်ဂျင်နီယာ၊ ဆေးပညာ စတဲ့ဘွဲ့ရတွေ အများကြီးဖြစ်လာတာ ရှိပါတယ်။ သူတို့တွေဟာ မြန်မာမွတ်စလင်မ်များရဲ. အသိပညာကြွယ်ဝရေး၊ အစ္စလာမ်ကို သိပ္ပံနည်းကျ နားလည်ရေးအတွက် တစ်ဆင့်ပို့ချပေးဖို့ ကိုယ်တိုင် အာရဗီစာပေကို နားလည်အောင်သင်ယူတယ်။ ကုရ်အာန်ကို နားလည် အောင်သင်ယူတယ်။ သူတို့ ဆည်းပူး သင်ယူခဲ့တာတွေ တဆင့်ပို့ချဖြန့်ဖြူးဘို့ ကြိုးစားကြတယ်။ (အဲဒီ ပုဂ္ဂိုလ်တွေထဲမှ ဟဒီးစ်ကို လက်မခံတဲ့ အုပ်စုမပါပါ၊ အဟ့်လေစွန္နတ် ဂျမာအတ်ဝင် ကုရ်အာန်နဲ့ ဟဒီးစ် ပညာရပ်တွေ လက်ခံသူတွေကိုသာ ဆိုလိုပါတယ်)။
အချို. အီဂျစ်နိုင်ငံ အလ်ဟာဇရ်တက္ကသိုလ်၊ ဆော်ဒီနိုင်ငံရှိ တက္ကသိုလ်နှင့် ပါကစ္စတန်၊ အိန္ဒိယ စတဲ့ နိုင်ငံများက တက္ကသိုလ်တွေမှာ ပညာဆည်းပူးလာခဲ့ကြပြီ၊ မြန်မာမွတ်စလင်မ်များ၏ အကျိုးကို သယ်ပိုးလိုပင်မဲ့ ကျောင်းတော်ကြီးဝါဒသမားတွေ၊ ကုရ်အာန် ဟဒီးစ်နဲ့ တမန်တော်၏ဘဝဖြစ်စဉ် ကိုသာ သင်ယူလာပြီး၊ သိပံ္ပံ၊ သမိုင်း၊ ပထဝီ စတဲ့အလ္လာဟ်ဖန်ဆင်းထားတဲ့ (အာလင်မ်) စကြာဝဋ္ဌာ အကြောင်းမသိကြလို့ ခေတ်အမြင် ခေတ်အတွေး မရှိကြလို့ စာအုပ်ကြီးအတိုင်း ကျင့်သုံးကြတဲ့ ပညာရှင်အမည်ခံ ပုဂ္ဂိုလ်တွေရဲ. ထိုးနှက်မှုကြောင့် ရှေ.မတိုးသာ နောက်မဆုတ်သာလို့ ဘေးရောက်ကြရတာတွေလဲ ရှိကြပါတယ်။
ပါကစ္စတန်နဲ့ အိန္ဒိယနိုင်ငံတို့က အစ္စလာမ်ကမ္ဘာမှာ ကျော်ကြားခဲ့တဲ့ ပညာရှင်များဟာ (ရှရီအတ်) ကုရ်အာန်နဲ့ ဟဒီးစ်တွေကို ဖွင့်ဆိုကြတဲ့ နေရာမှာ သူမတူအောင် အသိပညာ အမြော်အမြင် ကြီးကြတယ်။ ကမ္ဘာမှာ ယနေ့ အစ္စလာမ်အသိပညာနဲ့ မွတ်စလင်မ်တွေကို ဦးဆောင်လမ်းညွှန် နေတဲ့ ပညာရှင်များဟာ သိပ္ပံနဲ့ တွေးခေါ် မြော်မြင်မှု အပြင် ဦးဆောင်မှုပညာများကိုလဲ ကုရ်အာန် နှင့် တမန်တော်မြတ်ကြီးရဲ. လမ်းညွှန်မှု ဘောင်အတွင်းက အစွန်းမရောက်၊ ဦးဆောင်ပေးနိုင် ကြတာ တွေ့နိုင်တယ်။ အစ္စလာမ်ဟာ ကျင့်သုံးရာမှာ လွယ်ကူပွင့်လင်းပြီး လူသားတွေကို လူသားနဲ့တူအောင် အလ္လာဟ်အရှင်အလိုရှိတော်မူတဲ့ပုံစံမျိုး လူသားအကျိုးပြု လမ်းစဉ်သာ ဖြစ်တယ်။ အခြေခံဝါဒီတွေ၊ အစွန်းရောက်ဝါဒီတွေဟာ အစ္စလာမ်ကို အထင်အမြင် လွဲမှားအောင် လုပ်နေကြသူတွေ ဖြစ်တယ်လို့ ယူဆတယ်။ မြန်မာမွတ်စလင်မ်တွေဟာ ဒီဝါဒီတွေရဲ. ကျော့ကွင်းထဲ မရောက်အောင် အစ္စလာမ်ကို အမြော်အမြင်ကြီးစွာ သိနားလည်အောင် လမ်းညွန် ပေးနိုင်မဲ့ ပညာရှင်တွေ လိုအပ်နေတယ်ဆိုတာတော့ အားလုံးလက်ခံကြမှာပါ။
ယနေ့ကမ္ဘာမှာ သတင်းနည်းပညာခေတ်ရောက်နေပြီ၊ ကမ္ဘာအဝန်း သတင်းအချက်အလက်များက မိနစ်၊ စက္ကန့်ပိုင်းအတွင်း တောကြိုတောင်ကြားတွေအထိ ရောက်နေပေပြီ။ တိုးတက်တဲ့ မွတ်စလင်မ် အသိုင်းအဝိုင်းကလဲ ကတစ်ဆင့် အစ္စလာမ်အသိပညာတွေ ပို့ချပေးနေကြပြီ၊ Internet ကိုအသုံးချပြီး မွတ်စလင်မ်လောကကို ကမောက်ကမဖြစ်အောင် လုပ်သူတွေလဲရှိနေပြီ သတိချပ်ဖို့ပါ။ ဆိုလိုတာက ကျွမ်းကျင်ပညာရှင်မဟုတ်သူက ကုရ်အာန် ဟဒီးစ်များကို မိမိ ပင်ကိုယ်အသိနဲ့ ပြန်ဆိုရေးသားပြီး တင်ပြနေတယ်ဆိုတာ စတင်တွေ့ရှိနေရလို့ သတိပေးရပါတယ်။
မြန်မာမွတ်စလင်မ် ဦးစီးခေါင်းဆောင်များ၊ ပညာရှင်များကို အကြံပြုတိုက်တွန်းလိုတာက မြန်မာမွတ်စလင်မ်များ (အဟ့်လေစွန္နတ်ဂျာမာတ်ဝင်)ကို ကုရ်အာန်ကညွှန်တဲ့ သွန်သင်ထားတဲ့ အစွန်းမရောက် အသိပညာတွေကို ခေတ်နဲ့ ရင်ဘောင်တန်းပြီး သင်ယူဆည်းပူးလေ့လာနိုင်တဲ့ ကျောင်းတွေ၊ တက္ကသိုလ်တွေ၊ သင်တန်းတွေ ဖြစ်ပေါ်လာအောင် ကြိုးစားကြပါလို့ အကြံပြုပြပါတယ်။
(ကမ္ဘာလူသားတွေရဲ. ဦးနှောက်က အလွန်ဖွံ့ဖြိုးတိုးတက်လာပြီဆိုတာလဲ သတိချပ် သင့်ပါတယ်) ယုတ္တိမတန်တာတွေ၊ အစွန်းရောက်ပညာနဲ့ စကားရပ်တွေ၊ လောကီရေး အရေးမပါဘူး လေကုတ္တရာရေးသာ အရေးကြီးတယ်ဆိုတဲ့ အပြောတွေဟာ ခေတ်မရှိတော့ပါဘူး။
နောက်ဆုံးအဆုံးသတ်လိုတာက မွတ်စလင်မ်ရာနှုန်းပြည့် နေ့စဉ်တောင်းဆိုနေတဲ့ “အို-မွေးမြူ ဖန်ဆင်းတော်မူသော အရှင်၊ ကျွန်တော်မျိုးတို့ကို ဒွန္နယာ-လောကီ ကောင်းကျိုးနဲ့ နောင်ဘဝ-အာခေရတ် ကောင်းကျိုးချမ်းသာကို ပေးသနားတော်မူပါ၊ အပယ်ငရဲ (ဂျဟနမ်)မှ ဖယ်ရှားပေးတော်မူပါ”ကို တောင်းဆိုမှု အတိုင်း လူသားတိုင်းဟာ လူသားကောင်းကျိုးလုပ်မှ လောက အကျိုးကို ခံစားရမယ်၊ လောကမှာ အကောင်း လုပ်ခဲ့ရင် အာခေရတ်လဲ မုချကောင်းမှာပါ၊ စဉ်းစားပါစို့ဟု တင်ပြသုံးသပ်ရင်း နိဂုံးချုပ်ပါတယ်။

အလ်ဟာဂ်ျ ဦးကျော်ဖေ